Al-Beruniy nomidagi xalqaro maktab-internati o‘quvchilari New Uzbekistan University’da bo‘lib o‘tgan Space Fest 2026 tadbirida faol ishtirok etib, sertifikatlar bilan taqdirlandilar!

Butunjahon kosmik haftaligi munosabati bilan tashkil etilgan mazkur festival o‘quvchilarga kosmos, ilm-fan va zamonaviy texnologiyalar olamiga yanada yaqinroq nazar tashlash imkonini berdi.

Tadbir davomida ishtirokchilarni Zakovat intellektual bellashuvi, debatlar, raketa uchirish sinovlari, sun’iy yo‘ldosh yaratishga oid mashg‘ulotlar hamda Mars missiyasiga bag‘ishlangan jamoaviy muammolar kutib oldi.

Bunday tadbirlar o‘quvchilarning tanqidiy fikrlash, ijodkorlik, jamoada ishlash va ilmiy izlanish ko‘nikmalarini rivojlantirishga xizmat qiladi.

O‘quvchilarimizni ushbu tadbirdagi ishtiroki va qo‘lga kiritgan sertifikatlari bilan tabriklaymiz! Yangi bilimlar, katta g‘oyalar va yorqin kashfiyotlar sari olg‘a!

Al-Beruniy o‘quvchilari — Space Fest 2026 ishtirokchilari!