Biology Foundation o‘quvchilari maktab hududida uchraydigan o‘simliklarni o‘rganish bo‘yicha olib borgan amaliy tadqiqotlari yakunida o‘z ilmiy izlanishlari va kashfiyotlarini olimlar hay’atiga taqdim etdilar.

“Tirik organizmlar” mavzusi doirasida izlanishga asoslangan ta’lim yondashuvi orqali o‘quvchilar o‘z savollarini shakllantirib, kuzatuv va tahlil asosida javoblar izladilar. Endilikda esa ular tadqiqot natijalarini tizimlashtirib, o‘z xulosalarini ilmiy taqdimotlar orqali himoya qildilar.

Taqdimotlar davomida o‘quvchilar:

tadqiqot natijalarini aniq va izchil bayon qildilar;
kuzatuv va tahlil asosida chiqargan xulosalarini asosladilar;
o‘z ilmiy kashfiyotlarini hay’at a’zolariga taqdim etdilar;
savollarga javob berib, o‘z fikrlarini himoya qildilar;
jamoaviy hamkorlik va muloqot ko‘nikmalarini namoyish etdilar.

Bunday yondashuv o‘quvchilarni nafaqat biologik bilimlarni o‘zlashtirishga, balki mustaqil fikrlash, ilmiy izlanish, dalillar asosida xulosa chiqarish va o‘z g‘oyalarini ishonchli taqdim etishga undaydi.

Ilmiy izlanish — savoldan boshlanadi, kashfiyot esa uni boshqalar bilan baham ko‘rishdan boshlanadi.

Biologiya fanida — tadqiqotdan kashfiyotgacha!